ЦХИНВАЛ, 30 окт —Sputnik. Дзæуджыхъæуы студенттæ фехстой полицийы машинæ, хъусын кæны сайт 15 регион.
Æнæведомствæйон хъахъхъæнынады кусджыты ныхæстæм гæсгæ, æхсæв дыууæ сахатмæ æввахс, Хæххон аграрон университеты æмдзæрæндоны район патрулгæнгæйæ, уыдон фехъуыстой патрулон машинæйы фарсон авджы къæрцц. Басгаргæйæ уыдон федтой цæртхуынкъ. Цауы бынатмæ бацыд оперативон- фæдагурæн къорд.
Оперативон мадзæлттæ ауадзыны рæстæджы æрцахстæуыд Паддзахадон хæххон аграрон университеты фыццаг курсы студентты. Сæ иу у Кæсæг- Балхъараг республикæйы цæрæг, иннæ та Дигорайы цæрæг. Уыдонмæ разынд пневматикон пистолет, кæцыйæ фехстæуыд патрулон машинæ.
Студенттæ бамбарын кодтой, кæй æхстой бæлас æмæ æнæнхъæлæджы нæмыг сæмбæлд патрулон машинæйыл. Фæткхалджыты ныхмæ ист æрцыдысты административон æрмæджытæ.
