РХИ хъӕууон хӕдзарады специалисттӕ фӕбӕрзонддӕр кӕндзысты сӕ квалификаци

© Sputnik / Марина ТедетыСырх дзуары ӕхсӕнадӕмон комитеты мисси Хуссар Ирыстоны
Сырх дзуары ӕхсӕнадӕмон комитеты мисси Хуссар Ирыстоны - Sputnik Хуссар Ирыстон
Рафыссын
Хуссар Ирыстоны хъӕууон хӕдзарады министрады специалисттӕ ӕмӕ бынӕттон фермертӕ къурийы дӕргъы ахуыр кӕндзысты Уӕрӕсейы хъӕууон хъӕдзарды фадыджы кусджыты фӕлтӕрддзинадыл.

ЦХИНВАЛ, 30 окт — Sputnik. Сырх дзуары ӕхсӕнадӕмон комитеты мисси Хуссар Ирыстоны сорганизаци кодта республикӕйы хъӕууон хӕдзарады министрады специалисттӕн сӕ квалификаци фӕбӕрзонддӕр кӕныны курсытӕ Кубаны паддзахадон аграрон университеты, фехъусын кодта Sputnik комитеты пресс-секретарь Тедеты Марина.

Хуссар Ирыстоны экономикон райрӕзты иууыл ахсджийагдӕр у хъӕууон хӕдзарад сӕндидзын кӕнын ӕмӕ ацы фадыджы специалисттӕн хорз фӕлтӕрддзинад раттын.

Хуссарирыстойнаг делегаци 11 адӕймаджы скондӕй Краснодары крайы ахуырты уыдзысты иу къурийы дӕргъы.

"Ахуыртӕ арӕзт цӕуынц тренинг "Хъӕууон хӕдзарады разагон технологитӕй пайда кӕнын. Агросӕудӕджерадон комплексы менеджмент "-ы фӕлгӕтты. Къорд специалистӕн цӕудзӕн теоретикон ахуыртӕ ӕмӕ сын арӕзт ӕрцӕудзӕн балц Краснодары крайы хъомысджын аграрон амалиуӕгадтӕм", — радзырдта Тедеты Марина.

Йӕ ныхӕстӕм гӕсгӕ, ахуырты рӕстӕджы къорды базонгӕ кӕндзысты хъӕууон хӕдзарды фадыджы раззагон технологитӕй пайда кӕныны фадӕттимӕ, дыргъддарды куысты сусӕгдзинӕдтимӕ, зӕйӕгойты зианхæссæг саскӕй бахизын ӕмӕ ӕндӕр ахсджийаг фарстытимӕ.

"Уымӕй дарддӕр ма сын арӕзт ӕрцӕудзысты балцытӕ кӕцыдӕр амалиуӕгадтӕм, цыран сӕхи цӕстӕй фендзысты хъӕууон хӕдзарды размӕцыд куыст", — загъта пресс-секретарь.

Уый ма банысан кодта, Сырх дзуары комитетӕн Хуссар Ирыстоны хъӕууон хӕдзарды министрадимӕ кӕй ис ӕнгом ахастытӕ ӕмӕ сын рӕстӕгӕй- рӕстӕгмӕ кӕй бакӕнынц алыварсон ӕххуыс.

"Ивгъуыд аз республикӕйы районтӕн Сырх дзуары ӕхсӕнадӕмон комитеты бынӕттон мисси балӕвар кодта хъӕууонхӕдзардон техникӕ ӕмӕ ветеринарон ифтонггарз. Нӕ фӕнды ис, цӕмӕй ацы аз дӕр ветринарон ифтонггарзӕй баххӕст кӕнӕм районты", —бафтыдта йӕ ныхӕстӕм Тедеты Марина.

Ахуырадон балц организацигонд цӕуы республикӕйы хъӕууон хӕдзарад раразмӕ кӕныны оххыл Сырх дзыуары ӕхсӕнадӕмон комитеты бынӕттон миссийы пограммӕмӕ гӕсгӕ.

Кубаны паддзахадон аграрон университеты тренинг " Хъӕууон хӕдзарады разагон технологитӕй пайда кӕнын. Менеджмент агросӕудӕджерадон комплексы" цӕудзӕн 9-13 ноябры. Хайад дзы исын 11 специалисты хъӕууон хӕдзарды министрад ӕмӕ республикӕйы районтӕй. Мадзалы кӕрон хайадисджытӕ райсдзысты сертификаттӕ.

Ног хабӕртты лентӕ
0