ЦХИНВАЛ, 5 ноя — Sputnik, Биазырты Дзерассæ. Ирыстойнаг мидхъуыддæгты министрады районон хайады кусæг Датиты Ацæмæзæн, кæцы ахст у "Цкъайы фырты хъуыддаджы" фæдыл, рахастæуыд тæрхон ахæсты бакæнын иу мæй æмæ 30 боны æмгъуыдмæ.
Ленинаг районон тæрхондоны уынаффæ бындуриуæг кодта фæдагуырды минæвары куырдиатыл. Уый фехъусын кодта, мадзал ист кæй хъуамæ æрцæуа, цæмæй "æрцахстуæвæг ма хъыгдара фæдагурæн куыст, ма скуынæг кæна уликæтæ æмæ æвдисæнтыл мацы хъомыс дара".
Ныртæккæ скъуыддзаг цæуы, полицийы дыккаг кусæг Дзампайты Олегæн цы тæрхон рахæстӕуа, уыцы фарст.
