ЦХИНВАЛ, 5 ноя — Sputnik. Фӕбӕрӕг сты ӕппӕтуӕрӕсейон театралон преми "Золотая маска"-йы номинанттӕ, претендентты номхыгъдмӕ бахаудысты ирон режиссер Гуæцæлты Марат ӕмӕ ӕвзонг оперон зарӕггӕнӕг Абайты Зӕринӕ, хъусын кӕны "Осетия Тimes".
Бӕрзонд хорзӕхмӕ претендентты ӕхсӕн сты 9 горӕт, 72 спектаклы ӕмӕ 212 персоналон номинанты, уыдонимӕ дыууӕ минӕвары Ирыстонӕй.
"Гуæцæлты Маратӕн 2013 азы дӕр бантыст спектакль "Август: графство Осейдж"-ы йӕ режиссерон куысты тыххӕй райсын ацы хорзӕх. Аннӕ ирон номинант Абайты Зӕринӕйӕн номхыгъдмӕ бахауын дӕр у стыр ӕнтыст, уый раразмӕгонд ӕрцыд номинацийы "Опера, сылгоймаджы фӕлгонц", — дзырдӕуы хъусинаджы.
Абайты Заринӕ каст фӕцис Гергиты Валерийы номыл Дзӕуджыхъӕуы аивӕдты ахуыргӕнӕдон, у ӕппӕтуӕрӕсейон ӕвзонг вокалистты конкурсы уӕлахиздзау, Пермы оперӕ ӕмӕ балеты театры солисткӕ.
