ЦХИНВАЛ, 10 ноя — Sputnik. Хуссар Ирыстоны хъӕууон хӕдзарады министрад ӕрӕвнӕлдта мӕнӕуы тауинӕгты фонд аразынмӕ. Уый тыххӕй министрады къухдариуӕгад Ставраполы балхӕдта 33 тонны мӕнӕуы тыллӕгджын сорт "Багира"-йы тауинаг, фехъусын кодтой дыццӕджы Sputnik министрады пресс-службӕйы.
Тауинӕгтӕ байтыдтой Знауыры районы 100 гектар зӕххыл. Хъӕууон хӕдзарады министрады куыд банысан кодтой, афтӕмӕй ацы мадзӕлттӕ фӕахъаз уыдзысты цыппар азы дӕргъы республикӕйы гъӕдджын тауинӕгтӕй ифтонг кӕнынӕн, уый фӕстӕ та фонд ранӕуӕггонд ӕрцӕудзӕн.
"Фӕстаг ӕзты республикӕмӕ гъӕдджын тауинӕгтӕ нӕ цыдысты ласт, уый фӕстиуӕгӕн истам мӕгуырау тыллӕг. Ныр проблемӕ ӕрцыд скъуыддзаг. Хицауад рахицӕн кодта фӕрӕзтӕ мӕнӕуы тыллӕгджын сорты тауинӕгтӕ балхӕнынӕн", — загъта уагдоны минӕвар.
Уый ма йӕ ныхӕстӕм бафтыдта, 2016 азӕй фӕстӕмӕ фермерон хӕдзарадтӕн кӕй уыдзӕн фадат бынаты ӕлхӕнын гъӕдджын тауинӕгтӕ.
