Цкъаты Владимиры мӕлӕты фӕдыл сгарӕн куыст рахызт ног ӕмвӕзадмӕ

© Sputnik / Саид Царнаев /  Ахизын медиабанкмæУӕрӕсейы президенты ӕххӕстбарджын Цӕгат Кавказы федералон зылды Сергей Меликов
Уӕрӕсейы президенты ӕххӕстбарджын Цӕгат Кавказы федералон зылды Сергей Меликов - Sputnik Хуссар Ирыстон
Рафыссын
Цкъаты Владимиры мӕлӕты хъуыддаг ис УФ президенты Цӕгат Кавказы федералон зылды ӕххӕстбарджыны аппараты цӕстдарды бын.

ЦХИНВАЛ, 10 ноя — Sputnik. Уӕрӕсейы президенты ӕххӕстбарджын Цӕгат Кавказы федералон зылды Сергей Меликов ауагъта ӕмбырд республикӕйы къухдариуӕгад ӕмӕ тыхон структурӕты минӕвӕрттимӕ, цыран бахӕс кодта алыварсонӕй ӕмӕ бӕстонӕй раиртасын Цкъаты Владимиры амӕлӕты хъуыддаг, фехъусын кодтой Цӕгат Ирыстоны сӕргълӕууӕг ӕмӕ хицауады пресс-службӕйы.

Афтӕ ма президенты ӕххӕстбарджын бахӕс кодта тыхон ведомствӕтӕн, цӕмӕй ӕрвылбон дӕр хъусын кӕной сгӕрсты цыды тыххӕй информаци.

Ӕрӕджы Дзӕуджыхъӕуы Ленинон тӕрхондон райста уагӕвӕрд Цкъаты Владимиры хъуыддаджы фӕдыл ӕртыккаг зӕрдӕхсайгӕ адӕймаг — мидхъуддӕгты министрады Ирыстойнаг хайады кусӕг Цъугкиты Азӕмӕты ӕрцахсыны тыххӕй. Уымӕй размӕ ма цы дыууӕ зӕрдӕхсайгӕ адӕймаджы ӕрцахстой, уыдонау Цъугкиты Азӕмӕтӕн дӕр стӕрхон кодтой дыууӕ мӕйы ӕмгъуыдмӕ ахӕстоны абадын, цалынмӕ хъуыддаг кӕронмӕ ӕвзӕрст ӕрцӕуа, хъусын кӕны 15 Регион.

Цъугкиты Азӕмӕт ацы хъуыддаджы йӕхимӕ ницы азым райста.

"Ӕз тӕфӕрфӕс кӕнын Цкъаты бинонтӕн. Ӕз уым нӕ уыдтӕн йӕ ахсыны рӕстӕджы. Мӕхи тӕрхондонӕй нӕ бааууон кӕндзӕн ӕмӕ уымӕ гӕсгӕ хатын, цӕмӕй мӕ хӕдзарон аресты дарой. Мӕ бинонтӕ иууылдӕр мӕ дариаг сты", — загъта уый.

Цъыгкаты Азӕмӕты ахсгӕйӕ бындуриуӕг кодтой йӕ рапортыл, цыран уый Цкъаты Владимиры дызӕрдыг кӕны Плиты лӕппуйы фехсыны хъуыддаджы. Йӕ ӕрцахсты размӕ Цъугкиты Азӕмӕт сӕрибар ӕрцыд йӕ бынатӕй.

Ног хабӕртты лентӕ
0