ЦХИНВАЛ, 13 ноя —Sputnik. Уæрæсейы фæсарæйнаг хъуыддæгты министрады хæдбар паддзахæдты æмбалады (ХПÆ) бæстæты департаменты къухдариуæгад фæуазæг Республикæ Хуссар Ирыстоны минæварадмæ, хъусын кæны дипмиссийы пресс-службæ.
Фембæлд ацыд хæларадон уавæры. Гасситы Знауыр æмæ ХПÆ-йы бæстæты цыппæрæм депертаменты директор Алексей Павловский æрдзырдтой бирæ ахсджиаг фарстытыл.
Фембæлды ма хайад райстой Уæрæсейы фæсарæйнаг хъуыддæгты министрады ХПÆ-йы бæстæты цыппæрæм депертаменты директоры хæдивæг Михаил Шургалин, Абхаз æмæ Хуссар Ирыстоны хайады гæс Андрей Старков æмæ директоры хæдивæг Полина Хорева.
Республикæ Хуссар Ирыстон æмæ Уæрæсейы æхсæн æмгуыстад æмæ хæларадон ахастыты стыр хайбавæрды тыххæй президент Тыбылты Леониды указæй Гасситы Знауыр бæрзонд уазджыты схорзæхджын кодта "Республикæ Хуссар Ирыстоныл 25 азы сæххæсты цытæн" майданæй.
