ЦХИНВАЛ, 17 ноя — Sputnik. Цæгатирыстойнаг энергетиктæ иуварс кæнынц электрохызæджы аварийы фæстиуджытæ, цæй аххосæй хуссар Ирыстон дыццæджы æхсæвы баззад æнæ рухсæй, фехъусын кодта "Энергоресурсы" директоры хæдивæг Гæбæраты Анатолий.
Электронон ифтонгад æппæт Хуссар Ирыстоны территорийыл ахицæн къуырисæры, 22:00 сахатмæ æввахс. Энергетиктæн æвиппайды нæ бантыст йæ аххосаг рафæлгъауын. Цалдæр сахаты фæстæ энергетиктæн бантыст республикæ рухсæй сифтонг кæнын, фæлæ та райсомырдæм рухс ахицæн.
"Электрон рухсы ахицæны аххосæг ссис Нузалы хъæуæй Дæллаг Зæрæмæджы хъæуы онг фадыджы электронон хаххы авари. Цæгатирыстойнаг энергетиктæ, нæ информацимæ гæсгæ, æрæвнæлдтой аварийы фæстиуджытæ иуварс кæнынмæ", — загъта Гæбæраты Анатолий.
Уыимæ иумæ уый банысан кодта, аварийы аххосаг нырма кæй не сбæлвырд кодтой, уымæ гæсгæ нæй бæлвырд информаци, кæд сæндидздзæн рухсы ифтонгад.
