ЦХИНВАЛ, 18 ноя — Sputnik. Хуссар Ирыстоны арæнхъахъхъæнджытæ ӕрурӕдтой машинæ, кæцы ласта 200 кг сырх еугæф Гуырдзыстонмæ, фехъусын кодтой Sputnik ПÆК-ы пресс-службæйы.
"Цхинвалы районы Отъреуы хъæуы цур арæнхъахъхъæнджыты къорд æрцахстой адæмы, кæцытæ æнæзакъонон æгъдауæй ластой уæргътæ Хуссар Ирыстонæй Гуырдзыстонмæ. Басгæрсты рæстæджы машинæйы ссардæуыд 200 килограммæй фылдæр сырх еугæф", — загъта ПÆК-ы минæвар.
Ныртæккæ машинæ дæр æмæ уаргъ дæр сты ахст, цæуы куыст фæткхалыны уавæртæ сбæлвырд кæныны фæдыл.
"Ацы цауы фæдыл æрмæджытæ лæвæрд æрцыдысты тæрхондонмæ. Кæд тæрхæндоны органтæ ацы цау банымайой фæткхалдыл, уæд машинæ дæр æмæ уаргъ дæр æрцæудзысты ист", — банысан кодтой ПÆК-ы.
Хуссар Ирыстон æмæ Гуырдзыстоны æхсæн ницы æмпаддзахадон ахастытæ ис, уый нымæцы аскъуыдысты экономикон æмæ базарадон бастдзинæдтæ дӕр.
