ЦХИНВАЛ, 18 ноя — Sputnik. Хуссар Ирыстоны майрæмбоны ногæй ахицæн кæндзысты электроэнерги Цæгат Ирыстоны территорийыл электрон хызæджы нывæзтгонд куыстыты аххосæн, фехъусын кодта Sputnik "Энергоресурс"-ы генералон директор Гæбæраты Алан.
Фæстаг бонты нæ республикæйы арæх ахицæн вæййы рухс. Дыццæджы райсом авд сахатæй изæры фондз сахатмæ республикæйы æппæт территорийыл нæ уыд электроэнерги. "Энергоресурс"-ы фехъусын кодтой, рухс ахицæны аххосаг ссисты аваритæ электрохæххытыл Цæгат Ирыстоны территорийыл.
"Майрæмбоны рухс ногæй нæ уыдзæн, Цæгат Ирыстоны территорийыл профилактикон куыстытæ уагъд кæй цæудзысты, уый аххосагæн", — загъта Гæбæраты Алан.
Уый банысан кодта, Хуссар Ирыстоны электрон ифтонгад хицæн кæй уыдзæн 9 сахатæй 18 сахаты онг.
