ЦХИНВАЛ, 26 ноя — Sputnik. Цæгатирыстойнаг спортсменкæ Тъуриты Тимæ ссис уæззау атлетикæйæ Хьюстоны цæуæг дунейы чемпионаты æвзист призер 63 кг уæзы категорийы, хъусын кæны РЦИ-А-йы фæсивæд æмæ спорты министрад.
Дыууæ хæслæвæрды суммæйы спортсменкӕ систа 248 кг (112 + 136 кг). Ерысты уæлахиздзау ссис Китайы минæвар Вэй Дэн, 259 кг (113+146). Бронзæ майданы хицау та у Цæгат Кореяйы спортсменкæ Чхве Хё Сим, кæцы суммæйы систа 243 кг (104+139).
Уæрæсейы æмбырдгондæн ацы майдан турниры ссис цыппæрæм — Артем Окуловы (85 кг-ы онг) сыгъзæрин, Олега Чены (69 кг-ы онг) æвзист ӕмӕ Апти Аухадовы (85 кг-ы онг) бронзæ майданты фæстæ.
