ИÆАМ-ы фембæлды Хуссар Иры делегацийы сæргъ æрлæууыд Санахъоты Дауыт

© архивное фотоСанахъоты Дауыт
Санахъоты Дауыт - Sputnik Хуссар Ирыстон
Рафыссын
Эргнеты ИÆАМ-ы форматы фембæлд уагъд цæуы хуссарирыстойнаг делегацийы ног сæргълæууæгимæ.

ЦХИНВАЛ, 26 ноя — Sputnik. Президенты паддзахадон уынаффæгæнæг Санахъоты Дауыт æрлæууыд Инциденттæ ма æруадзыны æмæ аиуварс кæныны фæдыл механизмты (ИÆАМ) форматы фембæлды хуссарирыстойнаг делегацийы сæргъ.

Арæхдæр ИÆАМ-ы фембæлды райдайæнмæ цæуынц æрмæстдæр къамисджытæ æмæ телеуынынады кусджытæ, цæмæй райсой афтæ хуыйнæг "ныв". Фембæлды фæстиуджыты тыххæй та журналисттæ иууылдæр æрбамбырд вæййынц мадзалы кæронмæ æввахс. Фæлæ абон фембæлды размæ арæнгæрон хъæу Эргнетмæ æрбамбырд бирæ журналисттæ, цæмæй базоной хуссарирыстойнаг делегацийы ног сæргълæууæджы ном. Гуырдзиаг журналисттæ бафæлвæрдтой райсын ног сæргълæууæджы комментаритæ, фæлæ Санахъоты Дауыт аргъæвта массон информацийы фæрæзты минæвæрттимæ ныхас фембæлды кæронмæ.

"Æхсызгон мын у арфæйы ныхæстæ зæгъын Санахъоты Дауытæн, кæцы йæхимæ райсдзæн уæззау бæрн æмæ раивдзæн ацы бынаты Гаглойты Хохы. Ныридæгæн дзырд радтон, нæ бон куыд уа, афтæ йын кæй рог кæндзыстæм йæ куыст. Уый у æмсæрдæртты хæстæй иу", — загъта фембæлды размæ Евроцæдисы минæвар.

Ног хабӕртты лентӕ
0