ЦХИНВАЛ, 1 дек — Sputnik. Хуссар Ирыстоны президент Тыбылты Леонид йæ къух бафыста Конституцион тæрхондон (КТ) саразыны фӕдыл указыл, кæцы ахъаз уыдзæн республикæйы уæлдæр тæрхондонон органы архайды райдайæнæн, фехъусын кодта Sputnik президенты пресс-секретарь Гана Яновская.
"Президенты администрацийы сæргълæууæгæн бахæсгонд æрцыд, цæмæй 20 декабрмæ президентмӕ бавдиса æртæ кандидатурæ КТ тæрхонгæнджыты бынатмæ", — загъта Яновская.
Хицауадæн бахæсгонд æрцыд, цæмæй 20 декабрмæ фидаргонд æрцæуой КТ аппараты кусджыты æмæ тæрхонгӕнджыты куыстмыздтæ.
РХИ-ы Конституцийы ис Коституцион тæрхондоны фæдыл уагæвæрд, куыд уæлдæр тæрхондонон орган, фæлæ КТ ныры онг арæзт нырма æрцыд. 2011 азы уæды президент Кокойты Эдуард снысан кодта КТ-ы дыууæ тæрхонгæнæджы. Фæлæ хъуыддаг ууыл банцад, фæстæдæр ацы тæрхонгæнджыты снысан кæныны фæдыл указ æрцыд ивд.
Конституцимæ гæсгæ, КТ арæзт цæуы президент æмæ парламенты бавдыстгонд кандидатурæтæй: дыууæ кандидатурæ снысан кæны президент, дыууæ та парламент. КТ сæргълæууæджы снысан кæны президент парламенты разыдзинадæй.
Конституцион тæрхондоны тæрхонгæнджыты барты æмгъуыд у 10 азы.