ЦХИНВАЛ, 3 дек — Sputnik. Хуссар Ирыстоны уæвæг уæрæсейаг æфсæддон базæйы службæгæнджытæ райдыдтой быдырон ахуыртæ æнæпилотон тæхгæ аппараттæй(ÆТА) спайда кæнгæйæ, фехъусын кодтой цыппæрæмы Хуссар федералон зылды (ХФЗ) пресс-службæйы.
Хуссар Ирыстоны цыппæрæм æфсæддон базæйы 1 декабры райдыдта ног ахуыры аз. Зылды штабы хъусын кæнынц, ХФЗ æфсадæн фыццаг экзамен кæй суыдзæн стратегион командон-штабон ахуыр "Кавказ-2016", кæцы уагъд æрцæудзæн 2016 азы сентябры.
"Мотоæхсæн, танкон æмæ артиллерион дæлхæйттæ кусынц хæххон уавæрты иргъæвон æмæ бабырстон тохы ног фæрæзтыл, нырыккон æнæпилотон тæхгæ аппараттæ "Застава", "Гранат", "Орлан" и "Леер"-æй спайда кæнгæйæ", — фехъусын кодтой пресс-службæйы.
Ацы аз ХФЗ-ы æфсæддонтæ рацыдысты 1500-æй фылдæр алыгъуызон тактикон ахуыртæ æмæ æфсæддон цæттæдзинады 300-æй фылдæр æнæнхъæлæджы басгæрсты, уагъд æрцыд 30-æй фылдæр командон-штабон ахуыр æмæ тренировкæтæ. Азы мидæг ауагъдæуыд 15 минмæ æввахс зынджы цæттæдзинады фæдыл ахуырытæ, уый та у 10% фылдæр фароны ахуыры азы бæрæггæнæнтимæ абаргæйæ.
