Мæскуыйы байгом ирон центр "Зилахар"

© сайт постредства РСО-АМæскуыйы байгом ирон центр "Зилахар"
Мæскуыйы байгом ирон центр Зилахар - Sputnik Хуссар Ирыстон
Рафыссын
Центр "Зилахар"-ы фадат ис ирон æмæ фæсарæйнаг æвзæгтæ сахуыр кæнын, ирон фæндыр æмæ гуымсӕгыл цӕгъдыны секцитæм бацæуын, сахуыр кæнын кафтытæ, зарджытæ æмæ лæгæй лæгмæ хæцын.

ЦХИНВАЛ, 4 дек — Sputnik. Мæскуыйы байгом ирон сфæлдыстадон центр "Зилахар", фехъусын кодтой Sputnik УФ президенты цур РЦИ-Аланийы минæварады пресс-службæйы.

Центр "Зилахар"-ы ис алыгъуызон къордтæ. Ирон æвзаг сахуыр кæнын ам фадат ис æрмæст сывæллæттæн нæ, фæлæ хистæр кары адæмæн дæр, ирон фæндыр æмæ гуымсгæнæныл сахуыр кæныны секцитæм бацæуын. "Зилахар"-ы ис кафтыты студи, хъæдæрмæгимæ кусыны къорд, вокалон студи, фæсарæйнаг æвзæгты курстӕ æмæ спортивон секци "Балсаг".

УФ президенты цур РЦИ-Аланийы æххæстбарджын минæвар Икъоты Бэлӕ центры баконд нымайы нысаниуæгджын цауыл Мæскуыйæн.

"Нæ бæстæйы тæккæ астæу фæзынд райгуырæн Ирыстоны сакъадах. Зынаргъ у, нæ традицитæ, нæ культурæ чи хъахъхъæны æмæ ацы зонындзинæдтæ рæзгæ фæлтæрæн æнæвгъауæй чи лæвар кæны, уыдон лӕггад", — банысан кодта Икъоты Бэлæ.

Минæварады фехъусын кодтой, "Зилахар"-мæ цæуыны фадат алкæмæн дæр кæй ис.

Сфæлдыстадон центры адрес: м. Семеновская, фæзуат Семеновская, 7-æм хæдзар.
Тел.: +7 (916) 002 30 63, +7 (926) 314 94 62

Ног хабӕртты лентӕ
0