ЦХИНВАЛ, 8 дек — Sputnik. Цæгат Кавказы æмæ Хуссар Ирыстоны уæвæг Хуссар æфсæддон зылды (ХÆЗ) баиугæндтæ æмæ æфсæддон хæйттæ иу азы мидæг райстой нырыккон техникæйы 150 иуæджы, уыдон нымæцы комплекс "Искандер-М", хъусын кæны ХÆЗ-ы пресс-службæ.
"2015 азы мидæг ХÆЗ-ы æфсады дæлхæйттæ райстой æфсæддон æмæ сæрмагонд техникæйы 150 иуæджы. Уыдон нымæцы оперативон-тактикон комплекс "Искандер-М", танктæ Т-72Б3, залпон зынджы реактивон системæтæ БМ-21 "Град", зенитон ракетон комплекс "Стрела-10", æнæпилотон тæхæг аппарат "Леер-3", радиоэлектрон тохы комплекс "Борисоглебск-2", даргъбазæйон машинæтæ Урал-4320-0811-31, автобустæ ПАЗ-3205", — дзырдæуы хъусинаджы.
"Искандер-М" дæрæн кæны ракетон комплекстæ, залпон зынджы реактивон системæтæ, дардмæхсгæ артиллери, хæдтæхджытæ æмæ вертолеттæ, командагæнæн пункттæ æмæ бастдзинады хызæгтæ.
