ЦХИНВАЛ, 8 дек — Sputnik. Путин бахаста Паддзахадон Думæмæ ратификацийы тыххæй Хуссар Ирыстонимæ бадзырд азымгонд адæм раттыны тыххæй, кæцытæн рахастæуыд тæрхон ахæстоны фæбадын, фехъусын кодта уæрæсейаг паддзахады сæргълæууæджы сайт.
Бадзырд бафыст æрцыд Мæскуыйы 2014 азы 14 октябры ахæстоны фæбадыны тæрхон рахаст кæмæн æрцыд, уыцы гоймæгты раттыны фарстыты фæдыл уæрæсейаг-хуссарирыстойнаг æмгуыстады æхсæнадæмон- барадон базæйы райрæзты нысанæн.
"Бадзырдмæ гæсгæ бæлвырд цæуынц азымгонд адæмы раттыны домæнтæ сæххæст кæныны уагæвæрд", — дзырдæуы документмæ æмбарынгæнæн фыстæджы.
Бадзырд ма хынцы азымгондты адæймаг æмæ æмбæстаджы сæрибардзинад æмæ бындурон бартæ. Иу ныхасæй, гоймаг, кæцы йæ фыдракæндты тыххæй æфхæрд баййæфта иу республикæйы, дарддæр уыцы фыдракæндты фæдыл уголовон фæлыдзуйæ аннӕ республикӕйы æрцæудзӕн сæрибар.
