ЦХИНВАЛ, 10 дек — Sputnik. Стыр Уӕлахизы 70-азы юбилеймӕ клуб "Родина" рауагъта плакаттӕ Советон цӕдисы ирон хъайтарты хуызистытимӕ, хъусын кӕны 15 регион.
Плакаттыл ис Советон цӕдисы 81 хъайтары хуызистытӕ ӕмӕ ма 58 адӕймаджы нывтӕ, кӕцыты бавдыстой майдан "Сыгъзӕрин Стъалы "-йӕ схорзӕхджын кӕнынмӕ, фӕлӕ сӕ нӕ райстой.
"Фыццаг дыууӕ плакаты уал балӕвар кодтой Цӕгат Ирыстоны сӕргълӕууӕг Ӕгъуызарты Тамерлан ӕмӕ Стыр Фыдыбӕстӕйон хӕсты ветеран Исрафил Макеевӕн", — дзырдӕуы хъусинаджы.
Организаторты фӕндмӕ гӕсгӕ, плакаттӕ парахат цӕудзысты ӕнӕаргъӕй Ирыстоны дыууӕ хайы ахуырадон ӕмӕ культурон уагдӕттыл, стӕй ма алы бӕстӕты ирон минӕварадтыл.
