ЦХИНВАЛ, 11 дек — Sputnik. Уæрæсейаг æфсæддон вертолеттæ нӕ тахтысты гуырдзиаг арæны цур, фехъусын кодта УФ хъахъхъæнынады министрады информаци æмæ пресс-службæйы управленийы сæргълæууæг, инæлар-майор Игорь Конашенков.
"Фæстаг суткæты рæстæджы уæрæсейаг æфсæддон вертолеттæ не ‘ххæст кодтой тахтытæ гуырдзиаг арæны цур", — загъта уый.
Конашенков бауынаффæ кодта йæ гуырдзиаг коллегæтæн, цæмæй радон хатт, хъæрæй сидтытæ аразыны размæ, æнцой кæной объективон контролы, сæйраджыдæр радиолокацион фæрæзты бæрæггæнæнтыл.
