ЦХИНВАЛ, 11 дек — Sputnik. Уадзæн пункт "Дæллаг Зæрæмæджы" арæнхъахъхъæнджытæ æмæ таможнæйы кусджытæ байстой 1,5 милуан сомы аргъ тамакоты æнæзакъонон парти, хъусын кӕны 15 регион.
23-аздзыд уæрæсейаг æмбæстаг автомашинæ "Volkswagen"-ыл æнæ документацийæ хъавыд арæныл аласын 50 тамакойы къоппы, алкæцыйы дæр 50 блокы. Шофыр, транспортон фæрæз æмæ æнæзакъонон уаргъ лæвæрд æрцыдысты Цæгат Ирыстоны таможнæйы кусджытæм.
Уæ зæрдыл уын лæууын кæнæм, 2015 азы Уæрæсейы Æдасдзинады федералон службæйы арæнгæрон управленийы бæрны фадыджы уадзæн пунктты 55 хатты æрцыд фæлвæрд тамакотæ арæныл аласын таможнæйон уагæвæрды иувæрсты. Æхсæз хатт дзы спайда кодтой фæсарæйнаг транспортон фæрæзтæй.
