ЦХИНВАЛ, 15 дек — Sputnik. Цӕгатирыстойнаг дизайнер Годжысаты Изольда ссис Националон дарӕсы модæйы евразиаг конкурс "Этно-Эрато"-йы лауреат, хъусын кӕны 15 регион.
Изольда бацахста фыццаг бынат номинаци "Кавказы адæмты хуыздæр костюм", цыран равдыста националон стилы хуыд чындзы уæлæдарæс.
"Ирон модельер хорзæхджын æрцыд дипломæй æмæ "Ника"-йы статуэткæйæ", — дзырдӕуы хъусинаджы.
Æртыккаг Националон дарӕсы модæйы евразиаг конкурс "Этно-Эрато" уагъд цыд 11-12 декабры Мæскуыйы. Хайад дзы райстой 30 модельерæй фылдæр Монголи, Казахстан, Гуырдзыстон, Сомихстон, афтæ ма Уæрæсейы бирæ регионтæй.
