ЦХИНВАЛ, 16 дек — Sputnik. Киноныв "Арвыл бæгъæввадæй" йæ премьерæйы размӕ равдыстой Дзæуджыхъæуы кинотеатр "Дружба"-йы, хъусын кӕны ПТРК "Алания"
Хæлардзинады æмæ хæрамдзинады тыххæй мелодрамæ дзуры æрыгон лæппу æмæ чызджы ахастытыл.
"Лæппуйы ролы ахъазыд Кокайты Алан. Йæ уарзон чызджы фӕлгонц та сӕххӕст кодта Милана Карагулова. Ацы дыууæ æрыгон уды бахъуыд цæлхдурты сæрты ахизгæйæ, сæ амондджын фидæнмæ цæуын. Ног киноныв ныридæгæн федтой Цæгат Кавказы цалдæр горæты. Премьерæ уыд Мæскуыйы дæр", — дзырдӕуы хъусинаджы.
Премьерæйы фæстæ Цӕгат Ирыстоны хицауады сæрдары хæдивæг Белеккаты Рафаэль режиссерæн радта "Цæгат Ирыстоны сгуыхт артисты" кадджын ном.
Кинонывы режиссер у Султан Хажироко. Истой йæ Цӕгат Кавказы æппæт республикæты дæр.
