ЦХИНВАЛ, 22 дек — Sputnik. Хуссар Ирыстоны сабиты иу къорд хайад райсдзӕн Кремлы ногазон мадзӕлтты, сӕйраг наз бӕлас бакӕныны мадзӕлтты, фехъусын кодта Sputnik ахуырады министрады минӕвар Джиоты Эльза.
"Ногазон мадзӕлттӕм Мӕскуымӕ ацыдис 13 скъоладзауы. Сӕ фылдӕр сты ӕххуысхъуаг бинонтӕй, кӕцытӕ хорз ахуыр кӕнынц, науӕд та активон хайад исынц скъолайы царды", — банысан кодта Джиоты Эльза.
Уый ма радзырдта, сабитӕн арӕзт кӕй ӕрцӕудзысты экскурситӕ Уӕрӕсейы сӕйраг горӕты фенддаг бынӕттӕм.
Хуссар Ирыстоны скъоладзауты хицӕн къордтӕ ӕрвылаз дӕр ацӕуынц Кремлы наз бӕласы мадзӕлттӕм. Алы хатт дӕр сын арӕзт ӕрцӕуы хъӕзныг хиирхӕфсӕн ӕмӕ цымыдисон нывӕзт, афтӕ ма балцытӕ Мӕскуыйы фенддаг бынӕттӕм.
