Матвиенко: Уӕрӕсе дарддæр дæр кæндзæн алыварсон æххуыс Хуссар Ирыстонæн

© Sputnik / Рамиль Ситдиков /  Ахизын медиабанкмæФедерацийы советы спикер Валентина Матвиенко
Федерацийы советы спикер Валентина Матвиенко - Sputnik Хуссар Ирыстон
Рафыссын
Мæскуыйы уыд фембæлд Федерацийы советы спикер Валентина Матвиенко æмæ Хуссар Ирыстоны парламенты спикер Бибылты Анатолийæн.

ЦХИНВАЛ, 22 дек — Sputnik. Уæрæсе дарддæр дæр кæндзæн финансон æмæ социалон-экономикон æххуыс Хуссар Ирыстонæн, фехъусын кодта Федерацийы советы спикер Валентина Матвиенко.

Федерацийы советы спикер дыццæджы Мæскуыйы фембæлд Хуссар Ирыстоны парламенты спикер Бибылты Анатолиимӕ.

"Уæрæсе дарддæр дæр кæндзæн финансон æмæ социалон-экономикон æххуыс Хуссар Ирыстонæн, цæмæй фæхуыздæр уой республикæйы царды уавæртæ. Мах ацы хъуыддаджы æмбарæм нæ бæрн", — загъта Матвиенко фембæлды рæстæджы.

Уый ма бафидар кодта Уæрæсейы позици Хуссар Ирыстоны æдасдзинады ифтонгады фæдыл.

"Уæрæсе дæтты фидар гарантитæ Хуссар Ирыстоны æдасдзинад æмæ хæдбардзинадæн, уыдон сты республикæйы райрæзты, куыд ног демографион паддзахады, бындур", — банысан кодта Федерацийы советы спикер.

Матвиенко банысан кодта, УФ æмæ РХИ æмгуыстад динамикон æгъдауæй размæ кæй цæуы, азæй азмæ "ног æмвæзадмæ хизгæйæ".

Уый ма загъта, зӕгъгӕ 25 декабры Федерацийы совет æркæсдзæн Хуссар Ирыстонимæ уголовон хъуыддæгты фæдыл барадон æххуысы тыххæй бадзырдмæ. Йæ ныхæстæм гæсгæ, дызæрдыггаг нæу, документ кæй æрцæудзæн ратификаци сенаторты æрдыгæй.

"Уый у стыр хайбавæрд нæ ахастытæ сфидардæр кæныны хъуыддагмӕ", — загъта Федсоветы спикер.

Матвиенко банысан кодта, арæзт кæй æрцыд æмæ активонæй кæй кусы Федсовет æмæ хуссарирыстойнаг парламенты æхсæн æмгуыстады фæдыл кусæгон къамис.

Ног хабӕртты лентӕ
0