Бибылты Анатолий: Хуссар Ир 2016 азы райдайдзæн агропродукцийæ УФ-йы ифтонг кæнын

© Sputnik / Ада БагианХуссар Ирыстоны парламенты спикер Бибылты Анатолий
Хуссар Ирыстоны парламенты спикер Бибылты Анатолий - Sputnik Хуссар Ирыстон
Рафыссын
Дыццæджы Мæскуыйы уыд фембæлд Федерацийы советы спикер Валентина Матвиенко æмæ Хуссар Ирыстоны парламенты спикер Бибылты Анатолийæн.

ЦХИНВАЛ, 22 дек — Sputnik. Цхинвалы ныфс æвæрынц, фидæн аз Хуссар Ирыстоны кæй райдайдзӕн агросæудæджерадон проектты реализаци æмæ республикæ кӕй райдайдзæн Уæрæсейы Фæдерацийы ифтонг кæнын хъæууонхæдзарадон продукцийæ, фехъусын кодта дыццæджы хуссарирыстойнаг парламенты сæргълæууæг Бибылты Анатолий УФ-йы Федерацийы советы спикер Валентина Матвиенкоимæ фембæлды рæстæджы.

"Зонут æй æмæ Хуссар Ирыстон аграрон бæстæ кæй у, цыран никуы уыд нæргæ сæудæджерад. Фæлæ хъæууон хæдзарадыл дзургæйæ, зæгъæн ис æмæ Хуссар Ирыстонæн фадат кæй уыдзæн дыргътæ æмæ халсæрттæй УФ ифтонг кæнын. Ныридæгæн Хуссар Иры цæттæ сты проекттæ, уыдоныл цæуы куыст æмæ мæ ныфс ис, 2016 аз кæй суыдзæн ацы проектты реализацийы аз", — загъта Бибылты Анатолий.

Йæ ныхæстæм гæсгæ, фидæн аз аграрон къабазы райрæзт суыдзæн республикæйы приоритетон здæхт.

Хуссарирыстойнаг-уæрæсейаг ахастытыл иумæйагæй дзургæйæ, Бибылты Анатолий банысан кодта, уыдон кæй сты бæрзонд æмвæзадыл.

"Мах иттæг хорз зонæм, абоны бон Уæрæсе кæй у республикæйы æдасдзинады иунæг паддзахад-гарант. Ацы къабазы паддзахадон райрæзты вектор здæхт у Уæрæссейы æрдæм. Уæрæсе политикон къабазы цы сарæзта æмæ экономикон къабазы абон цы аразы — уый махæн тынг ахсджиаг у. Саакашвили йæ разы цы хæслæвæрд сæвæрдта, Хуссар Ирыстон сыгъдæг быдыр фестын кæнын, уый фæкъуыхцы ис", — загъта спикер.

Уый банысан кодта, размæ кæй цæуы республикæйы инфраструктурæ. Конд цæуынц ног скъолатæ, сабидæттæ, медицинон уагдæттæ. Уый ма банысан кодта, 2014-2015 азтæм цы экономикон райрæзты хæслæвæрдтæ æвæрд уыд, уыдон иууылдæр кæй æрцыдысты æххæст, драмон театры арæзтадæй дарддæр. Йæ ныхæстæм гæсгæ, ацы объект эксплуатацимæ лæвæрд æрцæудзæн 2016-æм азы "объективон аххосæгтæм гæсгæ".

"Арæзтады къæпхæныл цы объекттæ сты, уыдон иууылдæр эксплуатацимæ лæвæрд æрцæудзысты 28 декабры онг", — ныфс бавæрдта уый.

Хуссар Ирыстоны социалон-экономикон райрæзты фæдыл инвестпрограммæйæн финансон фæрæзтæ хицæн цæуынц УФ-йы бюджетæй. 2015 — 2017 азты ацы нысæнттæн рахицæнгонд æрцæудзæн фараст миллиард сомы.

Ног хабӕртты лентӕ
0