ЦХИНВАЛ, 28 дек — Sputnik. Дзӕуджыхъӕуккаг Алайнаг епархийы сӕргълӕууӕг архиепископ Зосима йӕ куыст фӕцис бынаты, динамонӕг чизоны йӕ службӕ адарддӕр кӕна ӕндӕр епархийы, хъусын кӕны 15 регион.
"Зосима йӕ куыстӕй ацыд йӕ лӕмӕгъ ӕнӕниздзинады аххосӕй. Къуырисӕры уый цӕуы хос кӕнынмӕ Мӕскуымӕ", — дзырдӕуы хъусинаджы.
Дзӕуджыхъӕуккаг Алайнаг епархийы сӕргълӕууӕджы хӕстӕ рӕстӕгмӕ ӕххӕст кӕндзӕн Алайнаг нӕлгоймӕгты моладзандоны динамонӕг Стефан (Дзугкоты).
Архиепископ Зосима Дзӕуджыхъӕуккаг ӕмӕ Махачкалайаг епархийы сӕргъ слӕууыд 2011 азы марты. Фӕстӕдӕр епархи ахицӕн кодтой ӕмӕ Зосима ссис Алайнаг Дзӕуджыхъӕуккак епархийы хистӕр. Йӕ службӕйы рӕстӕджы Цӕгат Ирыстоны адарддӕр ис рӕстдинон аргъуанты арӕзтад, Хуыцаумӕ скуывдтытӕ уадзын райдыдтой ирон ӕвзагыл.
