ЦХИНВАЛ, 31 дек — Sputnik. Уӕрӕсейы уӕгъдибар хъӕбысхӕсты федерацийы сӕргълӕууӕг Михаил Мамиашвили фехъусын кодта, сӕ тренерон штабы кӕй ӕрцӕудзӕн ивындзинӕдтӕ ӕрбалӕугӕ азы — сӕйраг тренеры бынатӕй ацӕудзӕн Магомед Гусейнов. Специалистты хъуыдымӕ гӕсгӕ, йӕ бынатмӕ снысан кӕндзысты ирон тренер Тедеты Дзамболаты, хъусын кӕны Осетия Times.
Тедеты Дзамболат 2007 азы нымад ӕрцыд дунейы иууыл хуыздӕр спортивон тренерыл.
"Специалистты хъуыдымӕ гӕсгӕ, 2016 азы Олимпиадӕйы хӕдразмӕ Дзамболаты снысан кӕныны хъуыддаг Уӕрӕсейы хъӕбысхӕцджыты ракӕндзӕн лидерты нымӕцмӕ", — дзырдӕуы хъусинаджы.
Тедеты Дзамболат Уӕрӕсейы ӕмбырдгондӕн къухдариуӕгад лӕвӕрдта 2001 —2012 ӕзты. Йӕ куысты рӕстӕджы Уӕрӕсейы ӕмбырдгонд ӕмбылдта ӕппӕт олимпиаг хъӕзтытӕ, дунейы ӕмӕ Европӕйы чемпионаттӕ.
Ӕмткӕй Уӕрӕсейы хъӕбысхӕцджытӕ йӕ къухдариуӕгады бын райстой 62 сыгъзӕрин майданы.
