Хуссар Ирыстон – 2015

Рафыссын
Ацæугæ аз УФ æмæ РХИ бафыстой æмгуыстад æмæ интеграцийы фæдыл бадзырд. Республикæйы уагъд æрцыд цæрджыты иумæйаг сфыст, Цхинвалы байгом Националон музей.

Ацæугæ аз Хуссар Ирыстонæн ссис нысаниуæгджын, фыццаджыдæр республикæйы стратегион партнеримæ ахастыты къабазы — УФ æмæ РХИ бафыстой æмгуыстад æмæ интеграцийы фæдыл бадзырд. Документмæ гæсгæ, фæтыхджындæр уыдзæн нæ республикæйы хъахъхъæнынад æмæ фæхуыздæр уыдзысты цæрджыты цардуагон уавæртæ. Нысаниуæгджын датæтæ ма уыд культурон сферæйы дæр — байгом Националон музей, цыран бынат ссардтой, уникалон экспонаттæ, кæцытæ 20 азæй фылдæр уыдысты Дзæуджыхъæуы.

Цхинвалы цытджын æгъдауæй эксплуатацимæ лæвæрд æрцыд спорты галуан "Олимп", кæцы арæзт æрцыд олимпиаг чемпионка Алина Кабаевайы фонды фæрæзтæй.

2015 аз ма расидт æрцыд зынгæ ирон ахуыргонд æмæ фыссæг Джусойты Нафийы азæй. Республикæйы банысан кодтой Уæлахизы 70 азы юбилей æмæ фæстаг 25 азы мидæг уагъд æрцыд цæрджыты иумæйаг сфыст.

Ног хабӕртты лентӕ
0