ЦХИНВАЛ, 4 янв — Sputnik. Цхинвалы администрацийы сӕрмагонд къамис равзӕрста готӕты иууыл рӕсугъддӕр наз бӕлас, фехъусын кодтой Sputnik мэрияйы пресс-службӕйы.
Цхинвалы хицӕн районты фӕсивӕд ныр цалдӕр азы дӕргъы ерыс кӕнынц наз бӕлас рӕсугъддӕр сфӕлындын ӕмӕ ногазон мадзӕлттӕ бацӕттӕ кӕныны хъуыддаджы. Азӕй аз фылдӕр кӕны хайадисӕг районты нымӕц.
"Конкурсы уӕлахиздзауыл нымад ӕрцыд 12 скъолайы районы наз бӕлас. Дыккаг бынат жюрийы уӕнгтӕ радтой Шанхайы скъолайӕн, афтӕ ма призерты нымӕц баххӕст кодта микрорайон "БАМ"-ы наз бӕлас. Уымӕй дарддӕр ма оригиналон сфӕлысты тыххӕй приз райста ЦАРЗ-ы районы наз бӕлас", — загътой Sputnik мэрияйы пресс-службӕйы.
Администрацийы ма куыд банысан кодтой, афтӕмӕй, ивгъуыд азтӕм абаргӕйӕ, конкурсантты нымӕц ацы аз уыд зынгӕ фылдӕр. Уӕлахиздзау ӕмӕ призертӕ хорзӕхджын ӕрцыдысты ӕхцайы премитӕй.
