ЦХИНВАЛ, 4 янв — Sputnik. Президентон наз бӕласы бакӕныны цытджын церемонийы Цхинвалы хайад райстой республикӕйы скъолаты хуыздӕр 100 ахуырдзауы. Ногазон мадзал уагъд ӕрцыд Сывӕллӕтты сфӕлдыстадон галуаны.
Бӕстӕйы сӕргълӕууӕг раарфӕ кодта сывӕллӕттӕн ӕмӕ сын йӕ цӕст бауарзта хорз ӕнтыстытӕ ӕмӕ нысӕнттӕ ӕрбалӕугӕ азы.
"Ногазон каникулты фӕстӕ ноджы хуыздӕр райдайут ахуыр кӕнын, уымӕн ӕмӕ уӕ зонындзинӕдтӕ фидӕны стыр ахъаз фӕуыдзысты нӕ бӕстӕйы размӕцыдӕн", — загъта Тыбылты Леонид.
Галуаны чысыл залы ӕппӕт хайадисджытӕ кӕй нӕ бацыдысты, уымӕ гӕсгӕ мадзал ауагътой дыууӕ хатты.
Sputnik сывӕллӕтты сфӕлдыстадон галуаны куыд радзырдтой, афтӕмӕй президентон наз бӕласмӕ хуынд ӕрцыдысты республикӕйы скъолаты хуыздӕр ахуырдзаутӕ.
Наз бӕласы алыварс ӕрӕмбырд сты аргъӕутты хъайтартӕ, ӕвзонг артисттӕ, кафджытӕ, брейк-дансы къорд, аивадон гимнасткӕтӕ.
Президент загъта бузныджы ныхӕстӕ галуаны къордӕн ахӕм цымыдисон мадзалы тыххӕй, ахуырдзаутӕн та бакодта ногазон лӕвӕрттӕ.
