ЦХИНВАЛ, 11 янв — Sputnik. Цхинвалы 20-ӕм сабидоны уагъд цӕуы капиталон цалцӕг, объект кӕронмӕ сцӕттӕ уыдзӕн мӕйы кӕронмӕ, фехъусын кодтой Sputnik горӕты администрацийы пресс-службӕйы.
20-ӕм сабидон ис Хъайтарты уынгыл. Уый нӕ куыста, ӕдзӕллаг уавӕрмӕ кӕй ӕрцыд, уый аххосагӕй. Уымӕ гӕсгӕ, уагдонмӕ хӕстӕг цӕрӕг адӕм сӕ цоты кодтой ӕндӕр сабидӕттӕм.
"Горӕты администрацийы цӕрӕнуатон-коммуналон хӕдзарады кусджытӕ арӕзтадон куыстытӕм бавнӕлдтой 2 январы. Бантыст сын уагдоны агъуыст раивын, ног фӕрсӕгтӕ сӕвӕрын ӕмӕ хъармгӕнӕн системӕ саразын", — радзырдтой пресс-службӕйы.
Мэрияйы ма куыд банысан кодтой, афтӕмӕй, цалцӕджы фӕстӕ сабидон райсдзӕн 300 сывӕллоны.
