ЦХИНВАЛ, 13 янв — Sputnik. Хуссар Ирыстоны уæвæг уæрæсейаг æфсæддон базæйы службæгæнæнджытæй дыууæ минæй фылдæр æмæ æфсæддон техникæйы 500 иуæджы хайад исынц быдырон ахуырты, кæцытæ райдыдтой "Дзарцъем"-ы полигоны, хъусын кæны Хуссар федералон зылды (ХФЗ) пресс-службæ.
Æфсæддон службæгæнджытæ бакусдзысты æхсгæ хæцæнгарзæй æмæ нырыккон хæстон техникæйæ — танктæ Т-72БМ, хæстон машинæтæ БМП-2 æмæ БМП-3, артиллерион машинæтæ "Акация" æмæ "Гвоздика"-йæ пайда кæныныл.
Ахуыртæ уагъд цæуынц дæлхæйтты командирты хъусдарды бын.
"Быдырон рацыды рæстæджы уæлдай хъусдард здæхт цæудзæн алкæцы службæгæнæджы цæттæдзинадмæ — куыд сæрмагонд, афтæ экипажы сконды", — загътой зылды пресс-службæйы.
Ахуыртæ цæуынц куыд бонæй, афтæ æхсæвыгон дæр. Сӕ фæстиуджытæм гæсгæ алкæцы службæгæнæгæн дæр конд æрцæудзæн индивидуалон аргъ.
