ЦХИНВАЛ, 14 янв — Sputnik. Мӕскуыйаг клуб "Динамо"-йы къулдуаргӕс Гæбулты Владимир гӕнӕн ис ӕмӕ тагъд рӕстӕджы хъазын райдайа стамбулаг клуб "Бешикташ"-ы, хъусын кӕны ӔПТРК.
Гæбулты Владимир йӕ бынат фӕивдзӕн зымӕгон трансферон рӕстӕджы.
"Гæбулты Владимирӕн сӕрды фӕуд кӕны йӕ контракт футболон клуб "Динамо"-имӕ", — дзырдӕуы хъусинаджы.
Ирон футболистыл цӕуы 32 азы. "Динамо"-йы сконды Гӕбулты Владимир ацы сезоны ахъазыд 20 матчы. Клуб бӕстӕйы турнирон таблицӕйы ис иуӕндӕсӕм бынаты.
