ЦХИНВАЛ, 15 янв — Sputnik. Цӕгат Ирыстоны бӕхты театр "Нартӕ" хъахъхъӕндзӕн Уӕрӕсейы кад бӕхты спорты ӕхсӕнадӕмон фестиваль "Cheval Passion"-ы Францы, хъусын кӕны Осетия Times.
Бӕхты театр "Нартӕ" арӕзт ӕрцыд 1990 азы. Уӕдӕй абоны онг уый хайад райста бирӕнымӕц ӕхсӕнадӕмон фестивальты, афтӕ ма театры барджытӕ-каскадертӕ архайдтой Алексей Балабановы киноныв "Война"-йы.
"Cheval Passion" у бӕхты аивады иууыл бӕрзонддӕр фӕстиваль. Мадзалмӕ театр бацӕттӕ кодта ног уӕлӕдарӕс националон стилы. Хонгӕ кафт ӕххӕст кӕндзысты барӕг ӕмӕ бӕх. Симд та сӕххӕст кӕндзысты ӕмрӕстӕджы театры фараст бӕхы", — дзырдӕуы хъусинаджы.
Фестиваль цӕудзӕн Францы горӕт Авиньоны 20 — 24 январы. Фестивалы рӕстӕджы ма арӕзт ӕрцӕудзӕн хорз мыггаг бӕхты равдыст дӕр. Уӕрӕсейаг коллектив дзы архайдзӕн фыццаг хатт.