ЦХИНВАЛ, 15 янв — Sputnik. Хуссар Ирыстоны уæвæг уæрæсейаг æфсæддон базæ 2016 азы сæйраджыдæр конд цæудзæн контрактон службæгæнджытæй, фехъусын кодтой майрæмбоны Хуссар федералон зылды (ХФЗ) пресс-службæйы.
Уæрæсейаг базæ Хуссар Ирыстоны ис ХФЗ-ы дæлбар, уый арæзт æрцыд 2009 азы, æмбæлон уæрæсейаг-хуссарирыстойнаг бадзырды фæлгæтты. Базæйы службæ кæнынц цыппар мин æфсæддонæй фылдæр.
Зылды бæрæггæнæнтæм гæсгæ, 2016 азы ХФЗ-ы æфсæддон хæйттæ фæфылдæр уыдзысты 20 мин контрактон службæгæнджытæй.
"Приоритетон æгъдауæй профессионалтæй комплектаци цæуынц фæдагуырды, денджызон фистæг æфсад æмæ сæрмагонд нысаниуæджы дæлхæйттæ, кæцытæ дисслокаци сты Сомихстоны, Абхаз æмæ Хуссар Ирыстоны", — дзырдæуы ХФЗ-ы хъусинаджы.
Зылды минæвар банысан кодта, ныртæккæ зылды æфсады службæ кæй цæуынц 60 мин службæгæнæджы контрактмæ гæсгæ. Уыдон сæйраджыдæр æвзæрст цæуынц Хуссар, Цæгат Кавказаг æмæ Хъырымаг æфсæддон зылдтæй.
