ЦХИНВАЛ, 18 янв — Sputnik. Хуссар Ирыстоны агурынц уӕрӕсейаг æфсæддон службæгæнæджы, кæцы фесæфт цалдæр боны размæ. Службæгæнæджы къамтæ конд сты æнæхъæн горæты, йæ бынат базоныны тыххæй бæлвырд информаци чи фехъусын кæна, уымæн лæвæрд æрцæудзæн 150 мин сомы, фехъусын кодтой Sputnik РХИ-ы барадхъахъхъæнæн органты.
19-аздзыд Виталий Иванов ивгъуыд къуырисæр фесæфт ахуырадон полигонæй.
© Sputnik / Руслан Тадтаев
Æндæр æмæ æндæр зонæнтæм гæсгæ, 19-аздзыд Виталий Иванов, кæцы службæ кæнынмæ æрцыд Омскæй, ивгъуыд къуырисæр фесæфт ахуырадон полигонæй. Йе ‘ссарыныл цалдӕр бон архайдтой йе ‘мбӕлттӕ, фӕлӕ сӕ къухты нырма ницы æнтыст бафтыд.
Сæфт солдаты ссарыныл архайынц республикæйы барадхъахъхъæнæн органты кусджытæ æмæ арæнхъахъхъæнджытæ дæр.
