ЦХИНВАЛ, 18 янв — Sputnik. Цхинвалы мобилон бастдзинад "Остелеком"-ы офисæй ивгъуыд майрæмбоны æхца адавыны хъуыддагмæ зæрдæ кæмæ æхсайы, уыцы фыдгæнджытæ раздæхтой адавдгонд 3 милуан æмæ 430 мин сомы, загътой Sputnik республикæйы мидхъуыддæгты министрады.
"Уголовон фæдагуырды хайады кусджытæ оперативон информаци реализацийы рæстæджы сбæрæг кодтой æмæ æрцахстой дыууæ цхинвайладжы, кæцытæ басастысты ацы фыдракæнд саразыныл æмæ ныридæгæн æхца фæстæмæ лæвæрд æрцыд компанийы къухдариуæгадæн. Фыдгæнджытæй иу разынд ацы офисы кусæг", — фехъусын кодтой мидхъуыддæгты министрады пресс-службæйы.
Уголовон хъуыддаг лæвæрд æрцыд Хуссар Ирыстоны мидхъуыддæгты министрады слæстгæнæн управленимæ.
