ЦХИНВАЛ, 20 янв — Sputnik. Транскавказы автомагистраль æхгæд æрцыд тыхджын митуарды æмæ зæйтæ æрцæуынæй тасы фæстиуæгæн, фехъусын кодтой Sputnik Хуссар Ирыстоны УУМ-ы пресс-службæйы.
Фæндаг æрæхгæдтой 19 январы 20.20 сахатыл сæрмагонд бардзырды онг, кæцы исы РЦИ-Аланийы уæлвæткон уавæрты министрады сæйраг управлени.
Транскам у иунæг фæндаг, кæцы иу кæны Хуссар æмæ Цæгат Ир. Зымæгон рæстæг трассæйыл арæх сæвзæры уæлвæткон уавæртæ æвзæр боныгъæды фæстиуæгæн.
