ЦХИНВАЛ, 20 янв — Sputnik. Транскавказы магистраль байгом автомобилон змæлдæн, фехъусын кодтой Sputnik Хуссар Ирыстоны Уæлвæткон уавæрты министрады (УУМ) пресс-службæйы.
Фæндаг ӕрӕхгӕдтой дыццӕджы изӕр сæрмагонд бардзырды онг РЦИ-Аланийы уæлвæткон уавæрты министрады сæйраг управленийы уынаффӕмӕ гӕсгӕ.
"Фӕндагон службӕтӕ ӕмӕ ирвӕзынгӕнджытӕ асыгъдӕг кодтой трассӕ митӕй ӕмӕ Транскам байгом 17.00 сахатыл", — банысан кодтой ведомствӕйы.
Транскам у иунæг фæндаг, кæцы иу кæны Хуссар æмæ Цæгат Ир. Зымæгон рæстæг трассæйыл арæх сæвзæры уæлвæткон уавæртæ æвзæр боныгъæды фæстиуæгæн.
