ЦХИНВАЛ, 21 янв — Sputnik. Хуссарирыстойнаг скъолаты райдиан кълæсты ахуыргæнджытæ цæуынц семинартæ нырыккон урочы структурæйы фæдыл Цæгат Ирыстоны, фехъусын кодта Sputnik республикæйы ахуырады министр Гасситы Натали.
"Практикон семинартæ фæахъаз уыдзысты, цæмæй нæ ахуыргæнджытæ ногæй æркæсой урок амоныны стандарттæм — ахуыргæнинæгты аздахын хисæрмагонд логикон хъуыдыйадмæ æмæ а. д. Семинарты рæстæджы уыдон ныхас кодтой сæ коллегæтимæ, зонгæ кодтой кæрæдзийы фæлтæрддзинадимæ, амоныны методтимæ. Ахуыргæнджыты иу къорд ныртæккæ дæр ис семинарты", — радзырдта Гасситы Натали.
Министр банысан кодта, уыдон ног программæтæ кæй не сты, фæлæ ахуырады ног стандарттæ, кæцытæ фæахъаз уыдзысты ахуырадон системæ фæтыхджындæр кæнынӕн.
