"Царды фæндаджы" тæссагдзинæдтæ

Рафыссын
Транскавказы автомагистраль хорз зонгæ у Ирыстоны алы цæрæгæн дæр, зонгӕ уын сты йæ иууыл тæссагдæр фадгуытæ дæр. Sputnik ног инфографикæйы сымах базонгæ уыдзыстут, цы цæлхдуртæм æнхъæлмæ кæсæн ис "царды фæндагыл".

Транскавказы автомагистраль у иунæг фæндаг, кæцы иу кæны Хуссар Ирыстонæн Уæрæсеимæ æмæ æппæт дунеимæ.

Трассæйы цæгат æмæ хуссар хай дих кæны 3730 километры дæргъæн Ручъы тоннель, кæцы денджызы ӕмвӕзадӕй у 2 километрæй фылдæр бӕрзонддæр.

Фæндагæн йæ фылдæр хай цæуы уæлхохыл, уымæ гæсгæ зымæгон æмæ уалдзыгон къæвдаты рæстæджы йæ алы æмæ алы фадгуыты арæх æрцæуынц миты æмæ цъыфы зæйтæ. Раздæр уыдонæй мард бирæ адæм.

Иууыл тæссагдæрыл нымад цæуы фæндаджы фадыг Буроны поселокæй Ручъы туннелы цæгат порталы онг. Зæйтæ æрцæуынæй иууыл тæссагдæр у аст километры дæргъæн Транскамы фадыг — "Хæйрæджыты хидæй" Ручъы тоннелы цæгат порталы онг.

Цæгат Ирыстоны УУМ-ы бæрæггæнæнтæм гæсгæ, иууыл фылдæр зæйтæ æрцыд 2007 азы — 500 мин кубометрæй фылдæр.

Sputnik инфографикæйы æвдыст сты Транскавказы автомагистралы иуыл тæссагдæр фадгуытæ. Афтæ ма æрмæджы æвдыст у зæйтæ æрцæуыны фадгуытыл куысты уагæвæрд, Цæгат æмæ Хуссар Ирыстоны УУМ, фæндагон æмæ зæйты ныхмæ службæты æмгуыстад.

Ног хабӕртты лентӕ
0