ЦХИНВАЛ, 28 янв — Sputnik. Хуссар Ирыстоны Цхинвалы районы арӕнхъахъхъӕнджытӕ ӕрурӕдтой Гуырдзыстоны ӕмбӕстаджы паддзахадон арӕн фехалыны тыххӕй, фехъусын кодтой Sputnik РХИ паддзахадон ӕдасдзинады комитеты (ПӔК) пресс-службӕйы.
Ацы азы райдайӕнӕй арӕнхъахъхъӕнджытӕ ӕрцахстой ныр цыппӕрӕм арӕнсӕттӕджы, фӕткхалӕн цаутӕ иууылдӕр ӕрцыдысты Цхинвалы районы хъӕуты.
"Хуссар Иры ӕмӕ Гуырдзыстоны ӕхсӕн арӕныл, хъӕу Громмӕ хӕстӕг арӕнхъахъхъӕнджытӕ ӕрурӕдтой Гуырдзыстоны 47-аздзыд ӕмбӕстаджы. Уый разынд Гуры районы хъӕу Зертийы цӕрӕг", — загътой уагдоны.
ПӔК-ы Арӕнгӕрон службӕ уадзы фӕдагурӕн куыстытӕ, ӕрмӕджытӕ цӕттӕ цӕуынц тӕрхондонмӕ адӕттынмӕ.
