ЦХИНВАЛ, 29 янв — Sputnik. Цӕгат Ирыстоны карантин адарддӕр кодтой 5-æм февралы онг, фӕлӕ ӕмткӕй сисгӕйӕ рынчынты нымӕц фӕкъаддӕр ис, хъусын кӕны ПТРК "Алания".
Къуырийы райдайӕны дыууӕ адæймаджы амардысты гриппӕй. Цӕгат Ирыстоны грипп æмæ æхснырсæгæй рынчынты нымæц бонæй бонмæ кæны къаддæр, карантин рагацау кæй скодтой, уый хорзӕрдӕм бандӕвта уавӕрыл.
"Ивгъуыд суткæмæ дохтырты æххуыс бацагуырдтой 605 адæймаджы. Сæ фылдæр сты сывæллæттæ. Ахæм информаци хъусын кæны Уæрæсейы фæлхасадмæ цæстдарды цæгатирыстойнаг управлени. Куыд зæгъынц, афтæмæй карантин рагацау кæй скодтой, уый хорзӕрдæм фæбæрæг, цæмæй низ ма рапарахат уа", — дзырдӕуы хъусинаджы.
Ныртæккæ рынчындæтты пневмонийæимæ хуыссы 174 адæймаджы, 139 та грипп æмæ ОРВИимæ. Реанимацийы ис цыппар адæймаджы. Дыууæйæ улæфынц сæрмагонд аппараты фæрцы.
