ЦХИНВАЛ, 1 фев — Sputnik. Хуссар Ирыстоны уæвæг Уæрæсейы æфсæддон базæйы радиацион, химикон æмæ биологон хъахъхъæнынады æфсады дæлхæйттæ æрæвнæлдтой быдырон ахуыртæм, фехъусын кодтой къуырисæры Хуссар федералон зылды (ХФЗ) пресс-службæйы.
Химикон ӕмӕ биологон хъахъхъæнынады æфсады ахуыртæ райдыдтой ХФЗ-ы авд полигоныл, хайад сæ райсдзысты 1, 5 мин æфсæддон службæгæнæджы.
"Ахуырадон мадзæлтты хайад исынц Сауденджызон флоты, Æфсæддонæуæлдæфон тыхты 4-æм æфсады, уæлдæфон хъахъхъæнынады æмæ ХФЗ-ы радиацион, химикон æмæ биологон хъахъхъæнынады æфсады дæлхæйттæ. Быдырон ахуыртæ уагъд цæуынц Волгограды областы, Краснодары крайы, Республикæтæ Хъырым, Цæгат Ирыстон-Алани, Хуссар Ирыстон æмæ Сомихстоны", — дзырдæуы зылды хъусинаджы.
Ахуырты хайад исынц 1, 5 мин æфсæддон службæгæнӕджы, афтæ ма сæрмагонд техникæйы 350 иуæджы.
