ЦХИНВАЛ, 2 фев — Sputnik. Зынгӕ хуссарирыстойнаг хъӕбысӕйхӕцӕг Къудухты Бесикы ном ратдзысты Краснодары уынгтӕй сӕ иуӕн, хъусын кӕны 15 регион.
Ирон спортсмен фӕмард 2013 азы декабры автомобилон катастрофӕйы. Бесик уыд дунейы цыппар хатты ӕмӕ Уæрæсейы фондз хатты чемпион.
"Краснодары микрорайон "Спортивная деревня"-йы уынгтӕй иуӕн лӕвӕрд ӕрцӕудзӕн зынгӕ хуссарирыстойнаг спортсмен, спорты сгуыхт мастер Къудухты Бесикы ном. Уый тыххӕй уынаффӕ рахастӕуыд горӕты думӕйы рабатты рӕстӕджы", — дзырдӕуы хъусинаджы.
Къудухты Бесик райгуырд 1986 азы Ленингоры районы Цхилоны хъæуы. Уæгъдибар хъæбысхæстæй ирон богал у дунейы цыппар хатты чемпион (2007, 2009, 2010, 2011 ӕзты), у 2007 азы Европæйы чемпион, 2008 азы Пекины Олимпиаг хъæзтыты бронзæйон призер æмæ 2012 азы Лондоны Олимпиаг хъæзтыты æвзист призер.
Бесикы ном ма хӕссы Хуссар Ирыстоны Ленингоры поселочы уынгтӕй сӕ иу дӕр.
