ЦХИНВАЛ, 3 фев — Sputnik. Æхсæнадæмон уголовон тæрхондон (ÆУТ) зыгъуыммæ равдыста 2008 азы Хуссар Ирыстоны æрцæугæ цаутæ, ницæмæ æрдардта ирæтты массон куынæгкæнын æмæ Уæрæсейы бавдыст æрмæджытæ, фехъусын кодта Уæрæссейы Слесткæнæн комитеты (СК) сæргълæууæг Александр Бастрыкин.
"ÆУТ зыгъуыммæ равдыста 2008 азы Хуссар Ирыстоны æрцæугæ цаутæ, фæдæсгæрсты арæнæй æддейæ ныууагъта Хуссар Ирыстоны цæрджыты ирон хайы массон куынæджы æмæ 16 мин лигъдæтты фæдыл факттæ. Ахæм хатдзæг арæзт æрцыд, кæд Слестгæнæн комитет тæрхондонæн йæхи домæнмæ гæсгæ ÆУТ-ы прокурормæ æнæфæцудгæ бавдысттæ бадæтта, уæддæр", — загъта Бастрыкин.
Бастрыкин банысан кодта, Хуссар Ирыстоны цауты фæдыл ÆУТ-ы равзæрсты предмет кæй ссисты адæймагады ныхмæ æмæ æфсæддон фыдракæндтæ, кæцытæ развæлгъау бæрæггæнæнтæм гæсгæ, хотыхджын дæлхæйттæ сарæзтой Гуырдзыстоны нæ, фæлæ Хуссар Ирыстоны.
2008 азы Гуырдзыстоны æфсад бабырстой Хуссар Ирмæ æмæ йын ныппырх кодтой йæ хай. Уæрæсе, республикæйы цæрджыты бахъахъхъæныны нысанæн, бакодта йе ‘фсад æмæ ахæцыд респупликæйæ æддæмæ гуырдзиаг æфсадыл. Уæрæсе æххуыс кæны Хуссар Ирыстонæн йæ экономикæ сæндидзын кæнынæн. Хуссар Ирыстоны "фондзбонон хæсты" фæстæ Уæрæсе банымадта Хуссар Ирыстон æмæ Абхазы суверенитет, кæцытæ раздæр уыдысты Гуырдзыстоны сконды.
