ЦХИНВАЛ, 3 фев — Sputnik. Хуссар Ирыстон æмæ Уæрæсе æртыццæджы бафыстой туризмы сферæйы æмгуыстады фæдыл меморандум, докуметыл сæ къухфысттæ сæвæрдтой Ростуризмы сæргълæууæджы хæдивæг Сергей Корнеев æмæ республикæйы фæсивæдон политикæ, спорт æмæ туризмы фÆдыл комитеты разамонæг Зассеты Сергей, хъусын кæны Ростуризмы сайт.
Меморандум бафыст æрцыд УФ æмæ РХИ-йы æхсæн 2016-2019-æм азтæн æмгуыстад æмæ æмцæдисады фæдыл бадзырды фæлгæтты.
Меморандуммæ гæсгæ, дыууæ бæстæты ведомствотæ æмгуыстад кæндзысты туризмы сферæ райрæзты хъуыддаджы, размæ кæндзысты националон туристон продукци, цæттæ кæндзысты бæрзондпрофессионалон кадртæ туризмы къабазæн, афтæ ма кæндзысты инвестицион æмгуыстад дæр.
