ЦХИНВАЛ, 5 фев — Sputnik. Хуссар Ирыстоны уӕлвӕткон ӕмӕ ӕххӕстбарджын минӕвар Уӕрӕсейы Гасситы Знауыр хорзӕджын ӕрцыд Федерацийы Советы майданӕй, фехъусын кодтой Sputnik Мӕскуыйы хуссарирыстойнаг дипминӕварады пресс-службӕйы.
"Гасситы Знауыр хорзӕхджын ӕрцыд Федерацийы Советы сӕрдар Валентина Матвиенкойы бардзырдмӕ гӕсгӕ Уӕрӕсейы закъондӕттӕн органтимӕ эффективон ӕмгуыстады тыххӕй", — банысан кодтой минӕварады.
Гасситы Знауыр Хуссар Ирыстоны минӕварӕй нысан ӕрцыд 2015 азы июны президент Тыбылты Леониды уынаффӕмӕ гӕсгӕ.
