ЦХИНВАЛ, 8 фев — Sputnik. Уæрæсейы тобæгонд террористон организаци "Исламаг Паддзахады" (ИП) сконды бандитон къорды авд уæнджы æрцахстой Екатеринбурджы. Уыдон цæттæ кодтой теракттæ Мæскуы, Санкт- Петербурджы æмæ Уралы, фехъусын кодтой къуырисæры Æдасдзинады федералон службæйы æхсæнадон бастдзинæдты центры.
"7 февралы Екатеринбурджы Æдасдзинады федералон службæ æрцахста террористон организацийы сконды бандитон къорды уæнгты, кæцытæ цæттæ кодтой резонансон террористон акттæ хиаразгæ рæмудзæн æрмæджыты руаджы Мæскуы, Санкт-Петербурджы æмæ Свердловы областы", — дзырдæуы хъусинаджы.
