ЦХИНВАЛ, 12 фев — Sputnik. Хъӕрӕсе-Черкесы, Лабӕйы сӕрмӕ Шоуаны хохыл уӕвӕг Уастырджийы аргъуаны нывимӕ Уӕрӕсейы банк рауадздзӕн ӕвзист ӕхца, хъусын кӕны "Осетия Times".
Ӕвзист ӕхца уагъд цӕуы проект "Уӕрӕсейы архитектурӕйы цыртдзӕвӕнты" фӕлгӕтты.
"Уӕрӕсейы банк ӕртӕ сом номиналимӕ ӕвзист ӕхца рауадздзӕн 16 февралы. Ацы аргъуанмӕ ахӕм хъусдард фыццаг хатт нӕй. Коллекционертӕм ис Шоуаны аргъуаны нывимӕ паддзахы рӕстӕджы посты къамтӕ ӕмӕ советон нысӕнттӕ", — дзырдӕуы хъусинаджы.
Шоуаны аргъуаны нывимӕ згъæр æхца рацӕудзӕн ӕртӕ мин экземплярӕй. Аргъуан цы хъӕуы ис — Лабӕ, зӕгъгӕ, уымӕн XIX ӕнусы бындур ӕрӕвӕрдта Хетӕгкаты Къостайы фыд Леуан.
